O papel da OMC como organização regidora do comércio mundial comezou a ter um forte cuestionamento a partires da mobilização que parou a súa terceira reunião em Seattle e que orixinou a rede Indymedia.

O mundo não está a venda

O papel da OMC como organização regidora do comércio mundial comezou a ter um forte cuestionamento a partires da mobilização que parou a súa terceira reunião em Seattle e que orixinou a rede Indymedia. A pesar da represão cinco anos despois o movemento altermundialista consigue fazer fracasar [vídeos] o quinto cumio deste organismo en Cancún (México) consolidando a esta rede como meio independente de informação de referência deste atomizado ;) fenómeno social. [Lee Kyang Hae, in memoriam]

Esta organização multilateral é a encargada de promover e dirigir a liberalização do comércio a nível mundial, conformando conjuntamente co Fundo Monetário Internacional (FMI) e co Banco Mundial (BM), toda umha estrutura internacional ao servizo do capital transnacional para que este poida ir efectivizando a globalização, a imposição a nível mundial do seu modelo socioeconómico neoliberal. conómico neoliberal.

O mercado global que propugna a OMC e os acordos subscritos para regular o comêrcio internacional promovem a absoluta liberalização dos mercados meiante a supressão das barreiras arancelárias ou calisquer outro mecanismo que os países poidan ter para proteger as súas economías e os seus intereses nacionais.

Dende a OMC estan-se a promover medidas liberalizadoras que trascenden o próprio comêrcio internacional e que afectam a tudos os sectores da vida económica e social (meio ambiente, sanidade, ensino, cultura, alimentação, propriedad dos seres vivos...). O mundo todo converte-se numha mercaduría en mans das multinacionais e em fonte de benefícios para o capital transnacional.

O cúmio de Cancún centrouse na busca de acordos sobre as seguintes matérias:

Agricultura

Prantexa-se a libre entrada en todos os mercados de todo tipo de productos gandeiros, agricolas e pesqueiros. E dicer, garantiza-se-lles ás multinacionais que van ter total e absoluta liberdade para penetrar en todos os mercados e poder controlar aquela producción ou comercio que ainda está hoxe en mans de productores ou comerciantes locais.

Outras medidas propostas é a baixada dos prezos dos productos agrícolas e unha política de axudas que vai permitir ás grandes corporacions agroalimentares seguir facendo dumping (vender os alimentos por baixo dos costos reais de producción).

Dentro de toda esta política inscribe-se a recente reforma da Política Agraria Común (PAC), levada adiante pola Unión Europeia, que vai supor para Galiza eliminar máis explotacións labregas, perda de postos de traballo, aumento do despoboamento no medio rural e unha maior dependencia alimentar.

Servizos

Promove-se a liberalización total de servizos públicos esenciais como son o abastecimento de auga, luz, saúde, ensino, pensións, transporte, cultura, etc.. Direitos humanos básicos que soio a titularidade pública dos mesmos vai ser garante de que cheguen a toda a poboación de forma gratuita e en condicións dignas. Estos servizos son hoxe moi codiciados polo capital privado debido ao alto volume de recursos económicos que moven e polo tanto posibilidade de negocio.

Direitos de propriedade intelectual

Neste apartado regulan-se os direitos de patentes sobre medicamentos e patentes sobre a propria vida, pois abre-se a posibilidade de que as empresas patenten xenes ou organismos vivos ( plantas, microorganismos...). Transforman-se os procesos biolóxicos e naturais en mercadurias permitindo o seu acaparamento e explotación por aqueles que teñen máis capacidade para elo, as multinacionais.

Acordo Multirateral de Inversións

Retoma-se de novo un tema altamente controvertido e do que se oculta, por parte dos responsabeis, as medidas concretas que se propoñen, dado a gravedade das mesmas para a soberania e o libre desenvolvemento dos pobos. Mediante este Acordo pretende-se sentar as bases para regular as inversións extranxeiras directas nas economias nacionais, eliminando todo tipo de trabas as inversións e penetración de capital extranxeiro, o que implicaria que o Estado perderia toda a posibilidade de favorecer, apoiar ou protexer a sua industria ou os sectores económicos básicos para o seu desenvolvemento, quedando a sua economia, a sua industria e os seus servizos a merced dos intereses do capital transnacional...

Vemos pois toda a política da OMC é dunha enorme transcendencia para o futuro da humanidade. A Organización Mundial do Comercio está a actuar de punta de lanza dos intereses das multinacionais, facilitando-lle o acceso a novas fontes de explotación e de obtención de beneficios, asi como a un maior control sobre novos mercados e sobre a economia mundial.

Con estas políticas estan-se a acentuar as diferencias entre clases sociais e entre nacións, perxudíca-se gravemente os intereses das clases traballadoras, dos labregos e das labregas, dos pobos indíxenas, incrementa-se a pobreza dos pobos menos desenvolvidos, provocan-se as migracións masivas e favorece-se a concentración da riqueza cada vez máis en menos mans e en menos Estados.