Jeckisch soll se sinn, die "Revolutiun"
Eine Büttenrede zugunsten des kölschen Karnevals in zehn
Strophen
En linke Wochenzeitung hock eröm un öwwerlät
Ob wer wat Joodes övern Karneval ze saje hätt
Denne Lück fällt zem Verrecke niddens wat in
Se wissen nit, woher, wohin
Kümmern sich nit um all die Lück
Ungerschiede nit: Wat is Driss, wat is Jlück
Han kinn Ahnung, wie er is, der Karneval,
Wie wöret mit: En schön Abwechslung vum "Jammertal"
Der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Fange mer also janz eenfach aan
Karneval is för de kleene Mann
Uch für die kleene Wiever isser do
Ewwer halt nit dat janze Johr
Un dä Pänz is, die dun doch nemme vum Haufen
Wenn se sich um ihre Kamelle raufen
Karneval is dat bißje Anarschie, wat öwwerisch bliev,
Wemma is in der "Warenjesellschaft" möt sin aktiv
Un der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Dat Anarchische, dat is midden op Stroos un Jass
Un määt all denne Lück ze baschte Spass
Dat merk man drek uch an de Kostüme
Dat sinn nämlich kinne Unjetüme
Do jehst als Indianer uder als Scheich
Wie de willst, alle sin gleich
Dat sinn uch kinne Uniforme
Denn se gehorsche kinne "Norme"
Un der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Der janze Kostümier, watt der Jeck hätt am Liev
Dat is Vermummung und schwer subversiv
Nemme mir nur zum Beispiel dem Prinz singe Staat
Watt der all aanhätt, dat is mih wie apart
Dazu nu Bauer, Jungfrau un Ihregaard
Dat is nit, worup de Staat hätt gewaart
Öwerhaup donn sisch mim Karneval janz schwer
Verarschte Preusse un insjesamt et "Militär"
Un der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Subversiv is uch, wat de Jeck su Jesanglisch bring
Nee, nee, isch meen jetz nit dat Leed vum schöne Rhing
Uch nit "Rucki Zucki" und Helau
Dat is us Mainz un also lau
Dat Leed vum Schmitze Willi, "Es ist noch Suppe da"
Dat is der rheinische Volksküchen-Lambada
Für die Rische immer winnijer, für die ärm Lück
immer mih
Is alsu janz noh draan an ner "Demokratie"
Un der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Uch ökolojisch kütt överhaup nix ze koot
Do weed gesunge: "Dat Wasser vun Kölle is joot"
Su heeß ene ahle Hit vun de Bläck Föös
Jrad bei Huhwasser is dat janz schön bös
Oder dä Song "Wer soll dat bezahle"
Hätt ze don mit de Sorje, de ahle,
Ma kritt nit su vill Jäld, wie ma jearbeit hätt
Un datt is janz lojisch die Sach mit dem "Mehrwätt"
Un der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Uch zum Sitzungskarneval muss me wat saje
Dä is nit su schläsch, wie mansch Lück ihn mache
Dat Colonia-Duett mit dem Hänschen Süper
Dat ist, wie ma hück saje dät, janz schön hyper
Und de Bläck Föös, die han isch jo schunn jeloob
Ewwer dät is noch lang nit das janze Aufjebot
Wenn nämlisch dat Rumpelstilzchen in de Bütt rinsteesch
Dann weed et immer janz schön "kritisch"
Un der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Un uch nit verjesse darf man foljenden Umstand
Wenn Karneval is, dann ruht et Fabrikband
Da weed jesoffe, jedanz und jesunge,
Ärbigge det kenner in de Fabrik janz unge
Dat Räch op Faulheit is Realität
Ohne dat dat irjendwer befohlen hätt
Kenner hätt jetz jet ze saje, nit us de Polit-
ik, niemand produziert hä un hück "Profit"
Un der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Janz wischtisch im Karneval, dat möt mer saje
Is und bliev, is klar, die Frauenfraje
Dä Wieverfasteloovend, die kütt aus Beuel
Un die is den Kerlen in Bonn enne Greuel
Do hann ens de Wäscherinnen et Rathaus jestürmp
Un die Politiker, die sinn dann öwwer de Rhing jetürmp
Dat is zwar schunn lang her, is ewwer immer ne Spaß
Un Jeschischte wiederholt sich jo mitunger als "Farce"
Un der dat jesaat hätt, dat wor de Marxens Kalle
Und dat is der, den ham wer leev doch alle.
TäTää
Bliev noch dat Suffe, beim Karneval krit keener jenooch
Ist dat jetz dat Arjument jäjen den Rosenmondachszooch?
Nur weil se do mache, wat de Redaktör immer mät
Wenn er owends ussem Bürro erussjäht?
Weil ma at Kölsch suff am fröhe Morje
Und nit waad bis ma hätt owens de Sorje?
Isch jlööv, wat ze sajen wor, is jesaat schun
Jeckisch soll se halt sinn, die "Revolutiun"
Un der dat jesaaht hätt, dat wor de Marxens Kalle
Und dat is der, den ham wer leev doch alle.
-
Der Tusch und die Rakete gehen an Martin Krauß
|